Əbülfəs Qarayevdən xəbərsiz milyonları necə mənimsəmək olardı?

Əbülfəs Qarayevdən xəbərsiz milyonları necə mənimsəmək olardı?

Hazırda iki müavini milyonluq yeyintiyə görə həbsdə olan Mədəniyyət Nazirliyində yarım milyon manatdan çox yeni mənimsəmə faktı aşkarlanıb.
Sumqayit.tv “Qafqazinfo”-ya istinadən xəbər verir ki, araşdırma zamanı məlum olub ki, 2018-ci ildə o zaman Mədəniyyət və Turizm Nazirliyi ilə “Rəqəmli Dövr” MMC arasında intentarların alqı-satqısı üzrə müqavilə bağlanıb.
Daha sonra nazirliyin əsasında yaradılmış Dövlət Turizm Agentliyi tərəfindən faktiki olaraq satın alınmadığı halda, müxtəlif kitabçaların və xəritələrin satın alınması üzrə həmin şirkətə külli miqdarda ödəniş edilib.
Həmçinin, “Azərbaycan Konqreslər Bürosu” MMC 2017-2018-ci illərdə təşkil edilmiş üç festival barədə telekanallarda ödənişsiz reklamlar versə də, buna görə, nazirlik onlara xüsusilə külli miqdarda büdcə vəsaiti ödəyib.
Bu faktlara görə, Cinayət Məcəlləsinin 179.4-cü (xüsusilə külli miqdarda mənimsəmə) maddəsi ilə cinayət işi başlanılıb.
Qanuna görə, xüsusilə külli miqdar dedikdə 500 min manatdan artıq məbləğ nəzərdə tutulur. Bu məbləğdə ödəniş isə telekanallarda pulsuz verilən reklamlara görə mənimsənilib. Digər epizodda – kitabça və xəritələrin alınması üçün külli miqdarda pul ödənilib. Burada isə söhbət 50 mindən 500 min manatadək olan məbləğdən gedir. Görünür, keçmiş mədəniyyət naziri Əbülfəs Qarayevin dövründə “yeyilən” daha bir milyonluq məhkəmə işi araşdırılacaq.
Əbülfəs Qarayev 1994–2001-ci illərdə gənclər və idman naziri, 2001–2006-cı illərdə gənclər, idman və turizm naziri, 2006–2018-ci illərdə mədəniyyət və turizm naziri vəzifələrində çalışıb. 2018-ci ildə dövlət qurumunun adı dəyişdirilərək Mədəniyyət Nazirliyi adlanıb.
Dövlət Təhlükəsizlik Xidmətinin 2020-ci ilin may ayında Mədəniyyət Nazirliyində keçirdiyi əməliyyatla nazirin müavini və xidmət rəisi həbs edildi. Həmin iş üzrə müavin Rafiq Bayramovun hazırda məhkəmə prosesi gedir və R.Bayramov 1,8 milyon manat pulu rüşvət qismində alaraq mənimsəməkdə ittiham edilir. O, tabeliyində olan idarələr və musiqi məktəblərindən aylıq on minlərlə manat məbləğində “tas” yığmaqda təqsirləndirilir.

Digər şəxs isə Zakir Sultanovdur. Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin keçmiş rəisi Zakir Sultanov da milyonlarla manat yeyintidə ittiham edilir. Onun şübhəli bilindiyi cinayətlərin epizodları çox olduğu üçün 1 il 2 aydır ki istintaq davam edir.
Əldə etdiyimiz məlumata görə, Z.Sultanovun “şapka” kimi aldığı ən böyük məbləğ İrəvan Dram Teatrının tikintisinə ayrılan puldan olub. Dövlət büdcəsindən bu iş üçün ayrılan 11 milyon manatdan 200 min manatı tikintini həyata keçirən şirkət tərəfindən Zakir Sultanova qaytarılıb.
Bozalqanlı adına Aşıq Sənət Muzeyinin tikintisinə 5,8 milyon manat ayrılıb. Z.Sultanov tikintini həyata keçirəcək şəxsdən 100 min manatdan çox “şapka” alaraq mənimsəyib. Tovuz rayon Mədəniyyət Evinin yenidən tikintisinə ayrılan 5,4 milyon manatdan isə Z.Sultanova 50 min manata yaxın “pay” verilib.
DTX-nin ötən il mayın 8-də keçirdiyi əməliyyatdan 13 gün sonra, mayın 21-də Əbülfəs Qarayev Prezidentin sərəncamı ilə vəzifəsindən azad olundu. Həmin zaman iki yüksək vəzifəli şəxsi rüşvət və mənimsəməyə görə həbs edilən sabiq nazirin də istintaqa cəlb edildiyi, hətta həbs edilə biləcəyi haqda məlumatlar yayımlanırdı. Lakin müavinin istintaqı yekunlaşsa da, nazirin cinayət məsuliyyətinə cəlb edilməməsi Əbülfəs Qarayev üçün həbs təhlükəsinin sovuşduğunu göstərirdi. Lakin Hesablama Palatasının yoxlamaları əsasında Baş Prokurorluğun yeni maddələr və yeni epizodlarla cinayət işi başlatmasından məlum olur ki, Qarayevin başı üzərindəki qara buludlar hələ çəkilməyib.
Bir nazirlikdə nazirdən xəbərsiz milyonluq vəsaitlər necə mənimsənilib yaxud nazirin bu prosesdə rolu nə olub? Bu suallara yalnız keçmiş nazir Əbülfəs Qarayev özü ya da hüquq-mühafizə orqanları cavab verə bilər.
Qeyd edək ki, bu il yanvarın 5-də Anar Kərimov mədəniyyət naziri təyin edilib. 





23-07-2021, 12:46 165

Digər xəbərlər

SSRİ-də “OMON” rejimini yaradan general – o, məşhur azərbaycanlı naziri də vəzifəsindən uzaqlaşdırıb

Sumqayıtda qanunsuz tikili belə söküldü - FOTO/VİDEO

Paşinyan Qarabağ separatçılarına xəbərdarlıq etdi

Putindən Qərbə SON DƏQİQƏ F-16 XƏBƏRDARLIĞI: Bu əraziləri VURACAĞIQ, MƏHV edəcəyik!

Avropada türklərə qarşı “kürd hücumu” planı - siyasi təxribat, yoxsa...

Ermənişünas alimdən 8 kəndlə bağlı İLGİNC AÇIQLAMALAR

Ermənistanda yeni Berlin divarı inşa edilə bilər

Dollar və avro yığanların NƏZƏRİNƏ - SON DƏQİQƏ XƏBƏRİ

Hər kəs “Crocus”da onlarla insanı xilas edən sumqayıtlıdan danışır-FOTO

“DTX sıralarında 7 Vətən Müharibəsi Qəhrəmanı xidmət edir”

DTX 105-ci ildönümünə həsr olunan videoçarx yayımlayıb

Fazil Mustafa ilk dəfə açıqladı: "Sui-qəsd baş verəndən sonra..." - ŞOK DETALLAR

Sumqayıtda dəhşət! Xəstəxananın həyətində 33-36 həftəlik döl tapıldı

Putin Makrona sui-qəsd olunmasını tapşırıb? - Olay AÇIQLAMA

İcra Hakimiyyəti tender elan etdi - DETALLAR

Qaraqoyunlu dərəsinin baş tacı - Çaykənd

Sumqayıtda 82 yaşlı kişini öldürərək basdıran ustadan xəbər var

Sumqayıt Məhkəməsi maska taxıb qadınların yaşadığı evlərə basqın edən şəxsin şikayətini təmin etmədi

Sumqayıt sakinlərinin nazirlər və digər rəhbər şəxslərlə gürüşəcəyi tarixin- CƏDVƏLİ

Avropa nəhəngi kisənin ağzını açdı - Ardaya sürpriz TƏKLİF

1 2 3 4 5 6 7 8 9 10 ... 825
Bu gün, 13:15
Bu gün, 13:00
Bu gün, 12:06
Bu gün, 12:04
Bu gün, 12:01
Bu gün, 11:40
Bu gün, 11:31
Bu gün, 11:29
Bu gün, 11:27
Bu gün, 11:08
Bu gün, 10:51
Bu gün, 10:47
Bu gün, 09:30
Dünən, 15:52
Dünən, 15:46
Dünən, 15:28
Dünən, 12:52
Dünən, 12:49
Dünən, 12:43
Dünən, 12:40
Dünən, 12:38
Dünən, 11:19
Dünən, 11:08
Dünən, 11:05
Dünən, 11:03
Dünən, 11:02
Dünən, 09:55
Dünən, 09:30
26-03-2024, 15:38
26-03-2024, 15:18
26-03-2024, 14:56
26-03-2024, 12:42
26-03-2024, 12:41
26-03-2024, 12:36
26-03-2024, 12:33
26-03-2024, 12:32
26-03-2024, 11:25
25-03-2024, 13:35
25-03-2024, 13:34
25-03-2024, 12:37
1 2 3 4 5 6 7 8 9 10 ... 825