Sülhəddin Əkbər. "Paşinyanin qərbmeyilli olması Azərbaycanın maraqlarına uyğundur"


“Bizim müvafiq qurumlar psixoloji savaşı elə qurmalıdır ki,  Ermənistan daim səksəkədə  olsun və ermənilər bütün partiyalardan, onların liderlərindən şübhələnsinlər...” 
“Kimisə - hansısa dövlət, hökumət adamını hansısa ölkənin agenti olmasında suçlamaq üçün əldə tutarlı əsaslar, sənədlər olmalıdır.  Əlimizdə heç bir tutarlı fakt, sənəd olmadığı halda isə şübhələndiyimiz hər hansı bir siyasətçinin, dövlət başçısının, nazirin və s. yalnız siyasi yönü haqda fikir söyləmək olar”.  
Sumqayit.tv bildirir ki, bu fikirləri Moderator.az-a açıqlamasında  keçmiş təhlükəsizlik əməkdaşı, ləğv olunmuş Azərbaycan Milli Təhlükəsizlik nazirinin sabiq müavini Sülhəddin Əkbər hazırda Ermənistan baş naziri vəzifəsini icra edən Nikol  Paşinyanın guya elə Rusiyanın özünün gizli agenti olması haqda yayılan informasiyalara münasibət bildirərkən söyləyib: 
“Mən Paşinyanın Rusiyayönümlü olduğunu düşünənlərdən deyiləm. Daha çox o fikirdəyəm ki, Paşinyan Qərbyönümlüdür.  Və bu da bizim - Azərbaycanın maraqlarına uyğundur. Çünki belə olduğu halda Ermənistan qismən də olsa, əsas müttəfiqinin birinin dəstəyini itirir. Təsəvvür edin ki, seçkilərdə Xocalı canisi, Ermənistanın eks-prezidenti Robert Köçəryan qalib gələydi və indi baş nazir o, olardı. Putinin dostu... Təbii ki, hazırkı  variant bizim üçün ən əlverişli variantdır. Yeri gəlmişkən, qeyd edim ki, savaşın əsas tərəflərindən biri kəşfiyyat savaşıdır. Bu baxımdan  əslində Azərbaycan kəşfiyyatı elə bir gücə sahib olmalıdır ki, Ermənistanda istədiyi partiyanı hakimiyyətə gətirə bilsin.  Azərbaycanın bunun üçün kifayət qədər resursları var. Bizim müvafiq qurumlar elə bir informasiya siyasəti aparmalıdır, psixoloji savaşı elə qurmalıdır ki,  Ermənistan daim səksəkədə  olsun və ermənilər bütün partiyalardan, onların liderlərindən şübhələnsinlər. Çox təəssüf ki, bizdə aktiv şəkildə belə bir siyasət yürüdülmür. Halbuki, bu Qarabağda, Zəngəzurda qalan digər problemləri qısa müddətdə həll etmək üçün çox faydalı olardı”- deyə Sülhəddin Əkbər açıqlamasının ardında  vurğulayıb.

16-07-2021, 16:59 31
18-09-2021, 18:58
18-09-2021, 13:47
18-09-2021, 13:42
18-09-2021, 13:36
18-09-2021, 13:29
18-09-2021, 13:22
18-09-2021, 13:14
18-09-2021, 13:07
17-09-2021, 15:57
17-09-2021, 15:47
17-09-2021, 15:41
17-09-2021, 15:08
17-09-2021, 14:58
17-09-2021, 14:52
17-09-2021, 14:39
17-09-2021, 12:35
17-09-2021, 12:25
17-09-2021, 12:20
17-09-2021, 12:20
17-09-2021, 12:10
17-09-2021, 12:04
17-09-2021, 11:55
17-09-2021, 11:50
17-09-2021, 11:23
17-09-2021, 11:17
16-09-2021, 16:24
16-09-2021, 16:05
16-09-2021, 16:01
16-09-2021, 15:44
16-09-2021, 15:31
16-09-2021, 15:26
16-09-2021, 15:21
16-09-2021, 15:19
16-09-2021, 15:17
16-09-2021, 15:13
16-09-2021, 15:05
16-09-2021, 13:50
16-09-2021, 12:06
16-09-2021, 11:58
16-09-2021, 11:53
1 2 3 4 5 6 7 8 9 10 ... 73