Dövlət Ekoloji Təhlükəsizlik Xidmətinin əməkdaşları son 10 gündə Bakı, Sumqayıt və bir neçə rayonda yaşıllıqların qanunsuz kəsilməsi faktlarını aşkarlayıb.
Sumqayit.tv-yə verilən məlumata görə, Sumqayıt şəhəri Bakı küçəsi 37 ünvanında “Term” kompaniyasına məxsus ərazidə aparılan qanunsuz ağac kəsimi nəticəsində təbiətə ciddi ziyan vurulub. Ümumilikdə, Sumqayt və Bakı üzrə qanunsuzluqlar nəticəsində ekologiyaya 381 000 manat ziyan vurduğu müəyyən edilib. Faktlar araşdırılaraq hüquq-mühafizə orqanlarına göndəriləcək.