Azərbaycan Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) ölkədə müxtəlif istiqamətlərdə müntəzəm avtobus marşrutlarını müsabiqəyə çıxarır.
Sumqayit.tv xəbər verir ki, Sumqayıt istiqamətində isə Sumqayıt–Ağdam və Lənkəran–Sumqayıt marşrutları üzrə daşıyıcılar yeni şərtlərlə iştirak edə biləcəklər.

Məlumata görə, müsabiqə şəhərətrafı avtobusların təmin etdiyi xidmətin keyfiyyətini, təhlükəsizliyini və sərnişin rahatlığını artırmaq məqsədilə keçirilir. İddiaçılar həm əsas, həm də ehtiyat nəqliyyat vasitələrini təqdim etməlidirlər.

Sənədlər 19 fevral 2026-cı il saat 17:00-dək AYNA-da qəbul ediləcək. Sumqayıt istiqamətində iştirak edəcək lotlar üzrə baxış martın 3-də (Lənkəran–Sumqayıt) və fevralın 24-də (Sumqayıt–Ağdam) keçiriləcək.

AYNA-nın məlumatına görə, müsabiqə qaydaları “Avtomobil nəqliyyatı haqqında” qanuna və Nazirlər Kabinetinin təsdiq etdiyi müvafiq qaydalara uyğun təşkil edilir.

Bu təşəbbüs Sumqayıtda şəhərətrafı ictimai nəqliyyatın əlçatanlığını artırmaq, sərnişinlər üçün rahat və təhlükəsiz xidmət təmin etmək məqsədini daşıyır.

21-01-2026, 19:17 49