Milli Mətbuat Günü ərəfəsində Azərbaycanda jurnalistika ixtisası üzrə məzunların məşğulluq göstəricilərinə dair statistik məlumatlar açıqlanıb.

Sumqayit.tv xəbər verir ki, Modern.az-ın Dövlət Məşğulluq Agentliyindən əldə etdiyi məlumata əsasən, ölkədə ali təhsilli məzunların ümumi işlə təmin olunma səviyyəsi 57,7 faiz təşkil edir. Belə ki, 139 min 236 məzundan 80 min 352 nəfəri işlə təmin olunub.

648 ixtisas üzrə təqdim edilən statistikada jurnalistika sahəsi də yer alıb. Məlumata görə, son illərdə jurnalistika ixtisası üzrə məzunların işlə təmin olunma göstəricisi 50 faiz ətrafında dəyişib.

Əyani jurnalistika ixtisası üzrə 2023-cü ildə məzunların 52,5 faizi işlə təmin olunub. İngilis dilində tədris olunan jurnalistika proqramı üzrə isə bu göstərici 2018–2023-cü illər ərzində 40,3 faizdən 59,6 faizə qədər dəyişib. Altı ilin orta məşğulluq səviyyəsi 53,6 faiz təşkil edib.

Mənbə: Modern.az 

Bu gün, 14:12 9