Gürcüstanda keçirilən çimərlik futbolu üzrə Avropa çempionatında Azərbaycan milli komandası möhtəşəm uğura imza atıb.

Sumqayit.tv-ə daxil olan məlumata görə, yığmamız turnirin finalında rəqibini məğlub edərək Avropa çempionu adına layiq görülüb.

Qazanılan tarixi qələbədə Sumqayıt şəhərinin yetirmələri də mühüm rol oynayıblar. Milli komandanın heyətində çıxış edən İsa Zeynallı və Sabir Allahquliyev Avropa çempionu olan komandanın üzvləri sırasında yer alıblar.

Bu nəticə həm Azərbaycan çimərlik futbolu, həm də Sumqayıt idman ictimaiyyəti üçün böyük uğur hesab olunur. Şəhərimizin yetirmələrinin beynəlxalq arenada ölkəmizi layiqincə təmsil etməsi qürurverici hadisə kimi dəyərləndirilir.

Qeyd edək ki, Azərbaycan millisi turniri məğlubiyyətsiz başa vuraraq Avropa çempionu adını qazanıb.

Dünən, 21:42 61