Novxanı və Corat qəsəbələri ərazisində yeni ictimai çimərliklər yaradılıb.
Sumqayit.tv Real.tv-ə istinadən xəbər verir ki, Dövlət Turizm Agentliyi və Sumqayıt Şəhər İcra Hakimiyyəti tərəfindən çimərlik ərazilərində təmizlik və abadlıq işləri aparılıb, məişət tullantıları yığışdırılıb.
Məlumata görə, cari ildə Novxanı və Coratda hər biri 3 hektar olmaqla, ümumilikdə 12 hektar ərazini əhatə edən 4 ictimai çimərlik istifadəyə verilib.
Çimərliklərdə avtodayanacaq, duş kabinələri, sanitar qovşaqlar, uşaq əyləncə meydançaları, futbol və voleybol meydançalarından istifadə ödənişsizdir.
Vətəndaşlar yalnız stol-stul, jezlonq kirayəsi və digər əlavə xidmətlərə görə ödəniş edəcəklər. Bildirilib ki, ictimai çimərliklərdə təmizlik və xidmət keyfiyyətinə mütəmadi nəzarət olunacaq.
Dünən, 13:48
20
