56-cı Beynəlxalq Fizika Olimpiadasında (IPhO) Azərbaycanı uğurla təmsil edərək mühüm nəticə qazanan şagirdlər Zeynəb Məhəmmədli və Bəxtiyar Ağayev Sumqayıt Dövlət Universitetində qəbul olunublar.

Sumqayit.tv xəbər verir ki, olimpiada qalibləri SDU-nun rektoru, professor Nurəli Yusifbəyli ilə görüşüblər.

Rektor gəncləri təbrik edərək bildirib ki, beynəlxalq elmi yarışlarda əldə olunan uğurlar ölkənin intellektual potensialının, təhsil sisteminin və müəllim əməyinin nəticəsidir. O vurğulayıb ki, belə nailiyyətlər Azərbaycanın beynəlxalq elmi nüfuzunun artmasına və gənclərin elmə marağının güclənməsinə töhfə verir.

Görüşdə elm və təhsilin inkişafının dövlət siyasətinin əsas istiqamətlərindən biri olduğu qeyd edilib, beynəlxalq olimpiadalarda qazanılan uğurların istedadlı gənclər üçün yaradılan imkanların göstəricisi olduğu vurğulanıb.

Nurəli Yusifbəyli qaliblərlə onların gələcək təhsil planları və elmi maraqları barədə fikir mübadiləsi aparıb, onları universitetdə həyata keçirilən elmi-tədqiqat və innovasiya layihələrində iştirak etməyə dəvət edib.

Görüş zamanı şagirdlərin uğurlarında əməyi olan müəllim və və

Tədbir xatirə fotosunun çəkilməsi ilə başa çatıb.

17-07-2026, 14:32 65