Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğana 15 İyul – Demokratiya və Milli Birlik Günü münasibətilə başsağlığı məktubu ünvanlayıb.

Sumqayit.tv xəbər verir ki, Məktubda 2016-cı il iyulun 15-də dövlət çevrilişi cəhdinin qarşısını alarkən şəhid olanların xatirəsi dərin ehtiramla yad edilib, onların ailələrinə və qardaş Türkiyə xalqına başsağlığı verilib.

Prezident İlham Əliyev bildirib ki, həmin gecə Türkiyə xalqı dövlətinə, bayrağına və milli iradəsinə sahib çıxaraq tarix yazıb. O, Prezident Rəcəb Tayyib Ərdoğanın qətiyyətli liderliyinin və xalqın birliyinin ölkəni böyük faciədən xilas edən əsas amillərdən biri olduğunu vurğulayıb.

Dövlət başçısı qeyd edib ki, Azərbaycan həmin taleyüklü günlərdə "Bir millət, iki dövlət" prinsipi əsasında qardaş Türkiyəyə tam dəstək verib və bu həmrəylik xalqlar arasındakı sarsılmaz qardaşlığın növbəti təzahürü olub.

İlham Əliyev məktubunu Ərdoğana möhkəm cansağlığı, uğurlar, qardaş Türkiyəyə isə əmin-amanlıq, firavanlıq və rifah arzuları ilə yekunlaşdırıb.

Bu gün, 11:50 6