Çingiz Abdullayev jurnalistlərin Poladın şəxsi həyatına diqqət ayırmasını tənqid edib.
Sumqayit.TV xəbər verir ki, tanınmış yazıçı Çingiz Abdullayev bu barədə sosial şəbəkə hesabında paylaşım edib.
Yazıçı bildirib ki, jurnalistlərin diqqətini əsasən Poladın şəxsi həyatına yönəltməsi düzgün deyil. Onun sözlərinə görə, bu mövzunun artıq ictimai müzakirədən çıxarılmasının vaxtıdır.
“Jurnalistlərimizi maraqlandıran yeganə məsələ Poladın şəxsi həyatıdır. Artıq buna son qoymağın vaxtı deyilmi? Bu, onun şəxsi işidir”, – deyə Çingiz Abdullayev vurğulayıb.
O, həmçinin Poladın şəxsi həyatının geniş şəkildə müzakirə olunmasını mədəniyyətsizlik kimi qiymətləndirib.
“Tamamilə mədəniyyətsizlik hökm sürür və bu, sadəcə heyrətamizdir”, – deyə yazıçı qeyd edib.