Avqustun 24-də saat 11:15 radələrində Bakı-Qazax marşrutu üzrə hərəkət edən avtobus yolda texniki nasazlıq səbəbindən xarab olub.

Sumqayit.tv xəbər verir ki, sərnişinlərin sözlərinə görə, avtobusun dayanması nəticəsində onlar yolda qalıblar. İddiaya əsasən, sərnişinlərin təhlükəsizliyinin və vaxtında mənzil başına çatdırılmasının təmin olunmadığı bildirilir.

Sərnişinlər məsələ ilə bağlı 141 Çağrı Mərkəzinə və Avtovağzala müraciət etsələr də, onların sözlərinə görə, problemin həlli istiqamətində tədbir görülməyib.

Məsələ ilə bağlı aidiyyəti qurumların mövqeyini dərc etməyə hazırıq.

Bu gün, 13:35 25