Sumqayıt şəhərinin 9-cu mikrorayonunda, Heydər Əliyev Parkının yaxınlığında yerləşən avtobus dayanacağında marşrut məlumat lövhəsi aşıb.
Sumqayit.tv-yə daxil olan görüntülərdə lövhənin yerə düşdüyü görünür.
Məlumata görə, hadisənin nə vaxt baş verdiyi və lövhənin hansı səbəbdən aşdığı hələlik məlum deyil.
Sakinlər yaranmış vəziyyətin aradan qaldırılmasını və marşrut məlumat lövhəsinin bərpa olunmasını istəyirlər.
Məsələ ilə bağlı aidiyyəti qurumların mövqeyini öyrənməyə çalışırıq. Əlavə məlumat veriləcək.