Sumqayıt şəhərinin 13-cü mikrorayonunda aparılan təmir işlərindən sonra ərazinin əvvəlki vəziyyətinə qaytarılmaması sakinlərin narazılığına səbəb olub.

Sakinlərin sözlərinə görə, ərazidə elektrik naqillərinin yenilənməsi ilə bağlı işlər aparılıb. İşlər başa çatdıqdan sonra isə qazılan sahələr bərpa edilməyib, torpaq və tikinti qalıqları ərazidə saxlanılıb.

Sakinlər bildirirlər ki, artıq 10 günə yaxındır vəziyyət dəyişməyib. Onların sözlərinə görə, qazıntıdan sonra yaranmış torpaq təpələri həm ərazidə hərəkəti çətinləşdirir, həm də ümumi görüntüyə mənfi təsir göstərir.

Məsələ ilə bağlı sakinlər aidiyyəti qurumların əraziyə baxış keçirməsini və görülən işlərdən sonra qazılmış sahələrin bərpa olunmasını istəyirlər.

Qeyd edək ki, təmir və kommunikasiya işlərindən sonra ərazilərin əvvəlki vəziyyətinə qaytarılması sakinlərin rahatlığı və şəhərin abadlığı baxımından mühüm əhəmiyyət daşıyır.

Məsələ ilə bağlı aidiyyəti qurumların mövqeyini dərc etməyə hazırıq.

Foto: Avtosfer.az

Bu gün, 12:08 10