Ali Məhkəmədə Azərbaycan Milli Elmlər Akademiyasının Azad Həmkarlar İttifaqının sədr müavini, professor Raya Nəcəfovanın barəsindəki qərardan verilən kassasiya şikayətinə baxılıb.
Sumqayit.tv xəbər verir ki, hakim İlkin Abdullayevin sədrliyi ilə keçirilən iclasda kassasiya şikayətinin təmin edilmədiyi və əvvəlki qərarın dəyişdirilmədən saxlanıldığı elan olunub.
Raya Nəcəfova dələduzluqda və vəzifəli şəxsin səlahiyyətlərini mənimsəməkdə ittiham olunur. İttihama görə, o, bir sıra şəxsləri müxtəlif dövlət qurumlarına işə düzəltmək vədi ilə aldadaraq pullarını ələ keçirib.
Yasamal Rayon Məhkəməsinin hökmü ilə Raya Nəcəfovaya 3 il 6 ay müddətinə azadlığın məhdudlaşdırılması cəzası təyin edilib. Bakı Apellyasiya Məhkəməsi də həmin qərarı qüvvədə saxlayıb.
Qeyd edək ki, Raya Nəcəfova deputat Ülvi Quliyevin qudasıdır. O, əvvəllər Azərbaycan Müəllimlər İnstitutunun Sumqayıt filialının direktoru vəzifəsində çalışıb.
Mənbə: Pravda.az
Bu gün, 11:07
6
