Bakı metrosunda aparılacaq tikinti işləri ilə əlaqədar sərnişinlərin hərəkətində dəyişiklik olacaq.

Sumqayit.tv xəbər verir ki, avqustun 14-dən etibarən “Bakı Metropoliteni” QSC tərəfindən “Nizami” və “28 May” stansiyaları arasında qatarların hərəkəti dayandırılacaq.

Məlumata görə, “qırmızı” və “yaşıl” metro xətlərinin ayrılması layihəsi çərçivəsində “Cəfər Cabbarlı”–“Nizami” mənzilini birləşdirəcək yeni tunellərin tikintisinə başlanılacaq. İşlərin təxminən 10-11 ay davam edəcəyi bildirilir.

Bu müddətdə “28 May” və “Nizami” stansiyaları arasında sərnişindaşıma həyata keçirilməyəcək.

Sərnişinlərin rahatlığını təmin etmək məqsədilə 6 yeni ekspres avtobus marşrutu istifadəyə veriləcək. Həmçinin bir sıra mövcud marşrutlarda avtobusların sayı artırılacaq və intervallar azaldılacaq.

Yeni ekspres marşrutlar:

• M1 – “Elmlər Akademiyası” – “28 May”
• M2 – “İnşaatçılar” – “Nizami” – “28 May”
• M3 – “20 Yanvar” – “Nizami” – “28 May”
• M4 – “20 Yanvar” – “Koroğlu”
• M5 – “20 Yanvar” – “Gənclik”
• M6 – “Elmlər Akademiyası” – “Gənclik”

Avtobusların hərəkəti saat 06:00-dan 00:00-dək təşkil olunacaq.

Qeyd: Dəyişikliklər Bakı ilə Sumqayıt arasında gündəlik hərəkət edən sərnişinlərin də şəhər daxilində metrodan istifadə marşrutlarına təsir göstərə bilər.

Bu gün, 13:44 35