Yazıçı Kəramət Böyükçöl Sumqayıt şəhəri, Qaya küçəsi, giriş 143 ünvanında ona məxsus qeyri-yaşayış obyektləri ilə bağlı müzakirələrə münasibət bildirib.

Sumqayit.tv xəbər verir ki, yazıçı qeyd olunan obyektlərin istismara icazə sənədinin qanuni şəkildə verildiyini bildirib.

Kəramət Böyükçöl deyib ki, sözügedən sənədi əldə etmək üçün iki ildir çalışır. O, obyektlərdən bank krediti götürmək və müxtəlif şəxsi layihələrini həyata keçirmək məqsədilə istifadə etməyi düşündüyünü bildirib.

Yazıçı fikirlərini ironik üslubda ifadə edərək, kredit hesabına qoyun-quzu almaq və çobanlıqla məşğul olmaq, yaxud kitab avtobusları alaraq ölkənin müxtəlif bölgələrində kitabların təbliği ilə məşğul olmaq istədiyini söyləyib.

Qeyd edək ki, Qaya küçəsi, giriş 143 ünvanında yerləşən qeyri-yaşayış kompleksi üç binadan ibarətdir. Obyektlərdən ən böyüyünün tikinti sahəsi 1 250 kvadratmetrdir.

Mənbə: Pravda.az

Bu gün, 10:00 8