Ermənistanın Baş naziri Nikol Paşinyan Azərbaycanla Ermənistan arasında münaqişə səhifəsinin bağlandığını və sülhün bərqərar olduğunu bildirib.
Sumqayit.tv xəbər verir ki, Paşinyan 2025-ci il avqustun 8-də Vaşinqtonda keçirilmiş üçtərəfli görüşün ildönümü ilə bağlı Ermənistan xalqına müraciətində bu fikirləri səsləndirib.
O bildirib ki, həmin görüşün nəticəsində iki ölkə arasında sülh bərqərar olub. Paşinyan Vaşinqton görüşünü “Sülh Sammiti”, Azərbaycan Prezidenti İlham Əliyev və ABŞ Prezidenti Donald Trampın iştirakı ilə qəbul edilən sənədi isə “Sülh Bəyannaməsi” adlandırıb.
Ermənistan Baş naziri eyni zamanda qeyd edib ki, sülh prosesində hələ tamamlanmalı məsələlər var. Onun sözlərinə görə, sülh sazişi imzalanmalı və ratifikasiya edilməli, Azərbaycan-Ermənistan sərhədinin delimitasiyası prosesi isə davam etdirilməlidir.
Paşinyan Azərbaycan və Ermənistan xalqlarını 8 avqust münasibətilə təbrik edib.
Mənbə: APA
Bu gün, 11:06
6
