Sumqayıt şəhər sakini, 2000-ci il təvəllüdlü Rüfət (soyadı şərti) yetkinlik yaşına çatmayan qızla münasibətdə olmaq ittihamı ilə məhkəmə qarşısına çıxarılıb.

Sumqayit.tv  Demokrat.az xəbər verir ki, işə Abşeron Rayon Məhkəməsində baxılıb.

İş materiallarına əsasən, təqsirləndirilən şəxs 2022-ci ildə 14 yaşı tamam olmuş, lakin 16 yaşı tamam olmamış qızla qarşılıqlı razılıq əsasında cinsi əlaqədə olub. Sonradan tərəflər qeyri-rəsmi ailə həyatı qurublar və onların iki azyaşlı övladı dünyaya gəlib.

İstintaq zamanı müəyyən edilib ki, 2025-ci ildə qısqanclıq zəminində yaranmış mübahisə zamanı Rüfət qadına fiziki zorakılıq tətbiq edib. Zərərçəkmiş daha sonra onunla barışdığını və şikayətçi olmadığını bildirib.

Məhkəmənin hökmü ilə Rüfət Cinayət Məcəlləsinin 152.1-ci maddəsi ilə təqsirli bilinərək 1 il müddətinə azadlıqdan məhrum edilib. Lakin Cinayət Məcəlləsinin 70-ci maddəsi tətbiq olunaraq cəza 1 il 6 ay sınaq müddəti müəyyən edilməklə şərti hesab olunub.

Qəsdən sağlamlığa yüngül zərər vurma ittihamı üzrə isə tərəflərin barışması nəzərə alınaraq cinayət işinə xitam verilib.

Bu gün, 11:56 9