Vətəndaşa övladlarını Azərbaycan Dövlət Tibb Universitetinə qəbul etdirəcəyini vəd edərək 26 min manatını mənimsəməkdə təqsirləndirilən Arif İbrahimovun apellyasiya şikayəti təmin olunmayıb.
Sumqayit.tv xəbər verir ki, Sumqayıt Apellyasiya Məhkəməsində hakim Ruhiyyə Əsgərovanın sədrliyi ilə keçirilən iclasda Abşeron Rayon Məhkəməsinin hökmü dəyişdirilmədən qüvvədə saxlanılıb.
İttihama görə, Arif İbrahimov zərərçəkmiş şəxsin etibarını qazanaraq onun iki övladını Azərbaycan Dövlət Tibb Universitetinə qəbul etdirəcəyini bildirib və müxtəlif vaxtlarda ümumilikdə 26 min manat alıb. Sonradan məlum olub ki, bu vədlərin heç bir real əsası olmayıb və əldə edilən vəsait şəxsi məqsədlər üçün xərclənib.
Abşeron Rayon Məhkəməsinin hökmü ilə Arif İbrahimov 3 il 5 ay 29 gün müddətinə azadlıqdan məhrum edilib. Sumqayıt Apellyasiya Məhkəməsi isə onun verdiyi şikayəti təmin etməyərək hökmü qüvvədə saxlayıb.
Mənbə: Pravda.az
Bu gün, 11:33
10
