Sumqayıt şəhərində fəaliyyət göstərən 5 nömrəli marşrut avtobusu ilə bağlı redaksiyamıza növbəti şikayət daxil olub.
Sumqayit.tv xəbər verir ki, sərnişinin sözlərinə görə, bu gün 50 AF 334 dövlət qeydiyyat nişanlı avtobusda sürücüdən kondisioneri işə salmağı xahiş etsə də, sürücü əvvəlcə havanın sərin olduğunu bildirib, daha sonra isə kondisionerin işləmədiyini deyərək bunu texniki nasazlıqla əlaqələndirib.

Şikayətçi isti hava şəraitində sərnişinlər üçün kondisionerin işləməsinin vacib olduğunu vurğulayaraq, aidiyyəti qurumların məsələni araşdırmasını və problemə operativ reaksiya verməsini xahiş edir. Yay aylarında ictimai nəqliyyatda kondisionerlərin işləməməsi ilə bağlı oxşar şikayətlər son vaxtlar digər marşrutlar üzrə də səsləndirilir.

5-08-2026, 10:51 48