Sumqayıtda avtomobil oğurluğu ilə bağlı iki faktın üstü polis əməkdaşları tərəfindən açılıb.
Sumqayit.tv xəbər verir ki, bu barədə Daxili İşlər Nazirliyinin Mətbuat Xidməti məlumat yayıb.
Bildirilib ki, keçirilən əməliyyat tədbirləri nəticəsində N.Koroğluyev saxlanılıb. Araşdırmalar zamanı onun müştərinin avtoyuma məntəqəsinə təhvil verdiyi "MG" markalı avtomobili qanunsuz olaraq götürərək hadisə yerindən uzaqlaşdığı müəyyən edilib.
Şəhərdə keçirilən digər əməliyyat zamanı isə zərərçəkənin yaşadığı binanın həyətindən "VAZ-2106" markalı avtomobili qaçırmaqda şübhəli bilinən A.Zeynalov da saxlanılıb.
Hər iki avtomobil sahiblərinə geri qaytarılıb.
Faktlarla bağlı araşdırmalar davam etdirilir.
Bu gün, 17:22
8
