Sumqayıt şəhərinin Yaşıldərə yaşayış massivində qaz təchizatında müvəqqəti fasilə yaranacaq.
Sumqayit.tv xəbər verir ki, bu barədə "Azəriqaz" İB-nin Sumqayıt Qaz İstismarı Sahəsi məlumat yayıb.
Bildirilib ki, yaşayış massivindən keçən d89 mm-lik qaz xəttində aşkar olunmuş sızmaların aradan qaldırılması məqsədilə təmir işləri aparılacaq.
Bununla əlaqədar bu gün saat 14:00-dan etibarən Yaşıldərə yaşayış massivində ümumilikdə 1000 abonentin qaz təchizatında müvəqqəti fasilə yaranacaq.
Qeyd olunub ki, təmir işləri başa çatdıqdan sonra qazın verilişi mərhələli şəkildə bərpa ediləcək.
Bu gün, 14:27
10
