Azərbaycanın görkəmli şairi, dramaturqu və ictimai xadimi, Xalq şairi Nəriman Həsənzadə vəfat edib.

Sumqayit.tv xəbər verir ki, bu barədə Mədəniyyət Nazirliyi məlumat yayıb.

Bildirilib ki, Nəriman Həsənzadə iyunun 26-da səhhətində yaranan problemlərlə əlaqədar xəstəxanaya yerləşdirilmişdi.

1931-ci il fevralın 18-də Qazax rayonunun Poylu qəsəbəsində anadan olan Nəriman Həsənzadə uzun illər Azərbaycan ədəbiyyatının inkişafına mühüm töhfələr verib. O, müxtəlif mətbuat orqanlarında, dövlət qurumlarında və ali təhsil müəssisələrində məsul vəzifələrdə çalışıb.

Şairin müəllifi olduğu çoxsaylı şeir, poema və mənzum dramlar Azərbaycan ədəbiyyatının dəyərli nümunələri sırasında yer alır. Əsərləri bir sıra xarici dillərə tərcümə olunub, pyesləri isə müxtəlif teatrların səhnəsində tamaşaya qoyulub.

Nəriman Həsənzadə ədəbi və ictimai fəaliyyətinə görə "Xalq şairi" fəxri adı, "Şöhrət", "Şərəf", "İstiqlal", "Heydər Əliyev" ordenləri və Heydər Əliyev Mükafatı ilə təltif olunmuşdu.

Allah rəhmət eləsin.

1-08-2026, 11:09 46