Sumqayıtın şimal-şərq sərhəd və yaşayış massivlərini – Corat qəsəbəsi, Novxanı və Saray bağları, 20-ci, 21-ci və 22-ci mikrorayonlar, eləcə də 52-ci və 53-cü məhəllələri içməli su ilə təmin edən magistral su kəmərində aparılan təmir-bərpa işləri başa çatıb.
Sumqyit.tv-ə daxil olan məlumata görə,belə ki, Ceyranbatan–Maştağa magistral su xəttinin 6-cı kilometrində diametri 1200 mm olan kəmərin istismar müddəti başa çatmış 22 metrlik qəzalı hissəsi yenisi ilə əvəz olunub. Təmir işləri fasiləsiz rejimdə həyata keçirilib və artıq yekunlaşıb.
Hazırda magistral xəttin yuyulması, içməli su ilə doldurulması, suyun anbarlara ötürülməsi və ərazidaxili şəbəkəyə verilməsi prosesi davam edir.
Məlumata görə, bütün texnoloji proseslər tamamlanmaq üzrədir və Sumqayıtın qeyd olunan yaşayış məntəqələrinə içməli suyun verilişi bu gün axşam saatlarınadək tam bərpa ediləcək.
29-07-2026, 17:42
61
