Müəllimlərin sertifikasiya imtahanlarının nəticələri ilə bağlı daxil olan apellyasiya müraciətlərinə baxıldıqdan sonra bəzi test tapşırıqları üzrə texniki uyğunsuzluqlar müəyyən edilib.

Sumqayit.tv xəbər verir ki, bu barədə Təhsil İnstitutu məlumat yayıb.

Bildirilib ki, iyunun 17-25-də keçirilən sertifikatlaşdırma imtahanlarında iştirak edən müəllimlərin müraciətləri ekspertlər tərəfindən yenidən araşdırılıb. Təhlillər zamanı test tapşırıqlarının məzmununda uyğunsuzluq aşkarlanmasa da, beş sualda texniki xarakterli problemlər müəyyən olunub.

Məlumata görə, tarix fənni üzrə iki, riyaziyyat üzrə bir, texnologiya üzrə bir və fiziki tərbiyə fənni üzrə bir test tapşırığı müəllimlərin xeyrinə qiymətləndirilib.

Qeyd olunub ki, texniki səhvlər nəzərə alınaraq həmin suallar üzrə müvafiq bal düzəlişləri edilib və yenilənmiş nəticələr müəllimlərin portal.edu.az platformasındakı şəxsi kabinetlərinə göndərilib.

Bu gün, 18:49 6