Saray qəsəbəsinin Ziya Bünyadov küçəsində yaşayan sakinlər yolun uzun illərdir təmir olunmamasından şikayət edirlər.
Sumqayit.tv xəbər verir ki, sakinlərin sözlərinə görə, küçə 20 ildən artıqdır asfaltlanmayıb. Yolun yararsız vəziyyətdə olması yay aylarında ərazidə toz-torpağın, yağışlı havalarda isə palçığın yaranmasına səbəb olur. Bu da həm piyadaların, həm də nəqliyyat vasitələrinin hərəkətini çətinləşdirir.
Sakinlər bildirirlər ki, yolun bərbad vəziyyəti taksi xidmətlərinə də təsir edib. Onların sözlərinə görə, bəzi sürücülər həmin küçəyə daxil olmaqdan imtina edir, bəziləri isə gedişhaqqını artırır.
Məsələ ilə bağlı Abşeron Rayon İcra Hakimiyyətindən bildirilib ki, Ziya Bünyadov küçəsində asfaltlanma işlərinin aparılması 2026-cı ilin tədbirlər planına daxil edilib.
Ətraflı Baku.tv-nin sujetində
Bu gün, 17:36
9
