[media=]

Başlıq: Sumqayıtda zavod tüstüsü ilə bağlı narahatlıq: Sakinlər hər gün qalın tüstü müşahidə etdiklərini bildirirlər

Xəbər:

Sumqayıt şəhərində fəaliyyət göstərən sənaye müəssisələrindən biri ilə bağlı sakinlərin narahatlığı gündəmə gəlib.

Sumqayit.tv-ə müraciət edən şəhər sakinləri bildirib ki, zavodlardan birində mütəmadi olaraq alov və qalın tüstü müşahidə olunur. Onun sözlərinə görə, müəssisə iki aydan artıq fəaliyyət göstərməyib. Lakin yenidən işə salındıqdan sonra demək olar ki, hər gün eyni hal yaşanır.

Sakinlər iddia edir ki, söhbət Sumqayıt Polietilen zavodunun qarşısı, nasosnu stansiyası istiqamətində yerləşən ərazidən gedir. O, havaya buraxılan tüstünün ətraf mühitə və insanların sağlamlığına mənfi təsir göstərə biləcəyindən narahat olduqlarını qeyd edib.

Qeyd edək ki, bu məlumat vətəndaş müraciətinə əsaslanır. Məsələ ilə bağlı aidiyyəti qurumların mövqeyini öyrənməyə çalışır. 

Bu gün, 07:23 5