Sumqayıt şəhərinin 10-cu mikrorayonunda sakinlər ərazidə çəyirtkə və müxtəlif həşəratların çoxalmasından narahatdırlar.

Sumqayit.tv-yə müraciət edən sakinlərin sözlərinə görə, son günlər ərazidə çəyirtkə və digər həşəratların sayı artıb. Bu vəziyyət xüsusilə həyət ərazilərində və yaşıllıq sahələrində yaşayan insanlar üçün narahatlıq yaradıb.

Sakinlər bildirirlər ki, problemin qarşısının alınması üçün ərazidə dezinfeksiya və zərərvericilərə qarşı mübarizə tədbirlərinin həyata keçirilməsi vacibdir.

Onlar aidiyyəti qurumlardan 10-cu mikrorayona baxış keçirilməsini, ərazidə müvafiq dərmanlama işlərinin aparılmasını və vəziyyətin nəzarətə götürülməsini xahiş edirlər.

Məsələ ilə bağlı aidiyyəti qurumların mövqeyini dərc etməyə hazırıq.

Bu gün, 13:15 9