Sumqayıt şəhəri Təbiət elmləri təmayüllü gimnaziyası 11-ci sinif şagirdlərinin buraxılış imtahanında riyaziyyat fənni üzrə nəticələrinə görə ölkə birincisi olub.

Sumqayit.tv xəbər verir ki, bu barədə Dövlət İmtahan Mərkəzinin "Abituriyent" jurnalının 12-ci nömrəsində dərc olunan elmi-statistik materiallarda məlumat verilib.

Məlumata görə, gimnaziyada imtahanda iştirak edən 62 şagirdin riyaziyyat üzrə orta nəticəsi 93,75% təşkil edib. Bu göstərici ilə təhsil müəssisəsi respublika üzrə 1-ci yeri tutub.

Sumqayıt şəhəri Texniki və Təbiət Elmləri Liseyində isə imtahanda iştirak edən 40 şagirdin orta nəticəsi 81,44% olub.

Beləliklə, Sumqayıtın iki aparıcı təhsil müəssisəsi riyaziyyat üzrə yüksək nəticələri ilə respublika səviyyəsində fərqlənib.

25-07-2026, 15:03 67