Xəzər dənizinin sahilində yerləşən “Sea Breeze Resort”da keçirilən "DREAM FEST 2026" beynəlxalq musiqi festivalı çərçivəsində rusiyalı müğənni Stas Mixaylov Sumqayıtla bağlı diqqətçəkən açıqlama verib.
Sumqayit.tv xəbər verir ki, sənətçi Azərbaycana hər səfərini xüsusi istiliklə xatırladığını və ölkəmizi ikinci Vətəni hesab etdiyini bildirib.
“Bura gəlmək mənim üçün həmişə xoşdur. İmkanım olsaydı, Azərbaycana daha tez-tez gələrdim”, – deyə Stas Mixaylov qeyd edib.
Müğənni festivala uşaqları ilə birlikdə qatıldığını və onlara Azərbaycanı yaxından tanıtmaq istədiyini vurğulayıb.
“Birigün nənə və babamın yaşadığı Sumqayıta gedəcəyik. Uşaqlar burada ilk dəfədirlər, ona görə də onlara bu yerləri göstərmək istəyirəm”, – deyə sənətçi bildirib.
Stas Mixaylovun sözlərinə görə, ailə səfəri proqramına İçərişəhərə gəzinti və Azərbaycan mətbəxi ilə tanışlıq da daxildir.
“Onlar Bakını görməli, onun koloritini hiss etməli və yerli mətbəxi dadmalıdırlar”, – deyə o əlavə edib.
Qeyd edək ki, Stas Mixaylovun nənə və babasının Sumqayıtda yaşaması ilə bağlı açıqlaması şəhərlə bağlı maraqlı məqamlardan biri kimi diqqət çəkib.
Bu gün, 14:33
4
