Sumqayıt şəhərinə yaxın yerləşən "Qurd dərəsi" yaşayış massivinin sakinləri illərdir həllini tapmayan yol problemindən şikayətlənirlər.
Sumqayit.tv xəbər verir ki, sakinlərin sözlərinə görə, 10 mindən çox əhalinin yaşadığı yaşayış massivində yolların böyük hissəsi asfaltlanmayıb və bu da gündəlik həyatda ciddi çətinliklər yaradır.
Sakinlər bildirirlər ki, bərbad yollar səbəbindən əraziyə taksi və təcili tibbi yardımın gəlməsi çətinləşir.
"20 ilə yaxındır burada yaşayırıq. Taksi çağırmaq olmur, təcili yardım gəlmir. Hara müraciət ediriksə, "bu gün-sabah" deyib bizi yola verirlər", – deyə sakinlərdən biri bildirib.
Onların sözlərinə görə, yolların yararsız vəziyyəti avtomobillərə də ciddi ziyan vurur və xüsusilə yük maşınları tez-tez təmirə ehtiyac duyur.
Sakinlər problemin qısa zamanda həll olunmasını və yaşayış massivinə asfalt yol çəkilməsini tələb edirlər.
Ətraflı:Baku.tv
22-07-2026, 15:46
53
