Azərbaycan Respublikasının Prezidenti İlham Əliyevin Almaniyaya səfəri çərçivəsində Berlində rəsmi qarşılanma mərasimi keçirilib.
Sumqayit.tv AZƏRTAC-a istinadən xəbər verir ki, dövlətimizin başçısını Almaniya Federativ Respublikasının Federal Kansleri Fridrix Merts qarşılayıb.
Qarşılanma mərasimində Almaniya nümayəndə heyəti Prezident İlham Əliyevə, Azərbaycan nümayəndə heyəti isə Federal Kansler Fridrix Mertsə təqdim olunub.
Daha sonra fəxri qarovul dəstəsinin rəisi Prezident İlham Əliyevə və Federal Kanslerə raport verib. Hər iki ölkənin dövlət himnləri səsləndirilib.
Mərasimin sonunda Prezident İlham Əliyev və Federal Kansler Fridrix Merts fəxri qarovul dəstəsinin önündən keçiblər.
21-07-2026, 14:34
70
