2026-cı il FIFA Dünya Çempionatının Argentina – İspaniya arasında keçiriləcək final oyunu tarixin ən bahalı futbol finallarından biri kimi yadda qalır. ABŞ-ın Nyu-Cersi ştatındakı MetLife stadionunda iyulun 19-da baş tutacaq həlledici qarşılaşmanın biletlərinə tələbatın kəskin artması qiymətlərin rekord həddə yüksəlməsinə səbəb olub.
Məlumata görə, ikinci əl bazarında final üçün ən ucuz biletlərin qiyməti təxminən 6 900 ABŞ dollarından başlayır. Orta satış qiyməti isə 11 min ABŞ dollarını ötüb. Bəzi premium və VIP biletlərin qiyməti isə 40 min ABŞ dollarına qədər yüksəlib.
Mütəxəssislər bildirirlər ki, finala yüksək maraq, məhdud sayda bilet və dinamik qiymət sistemi qiymətlərin rekord səviyyəyə çatmasına səbəb olub.
Sumqayit.tv xəbər verir ki, azarkeşlərə saxta biletlərdən yayınmaq üçün yalnız FIFA-nın rəsmi satış və yenidən satış platformalarından istifadə etmələri tövsiyə olunur.
19-07-2026, 16:06
59
