Sumqayıt Dövlət Universitetinin (SDU) tələbələri "IT SkillSprint" beynəlxalq təhsil proqramını uğurla başa vuran iştirakçılar arasında yer alıblar.

Sumqayit.tv xəbər verir ki, İnnovasiya və Rəqəmsal İnkişaf Agentliyinin məlumatına görə, proqramda ölkənin 11 ali təhsil müəssisəsindən 120 tələbə iştirak edib və onların hamısı təlimləri uğurla tamamlayıb.

Bildirilib ki, iştirakçılardan 27 nəfər proqram davam etdiyi müddətdə iş təklifi alıb, hazırda isə daha 93 nəfər əmək bazarında aktiv şəkildə iş axtarır.

Qeyd olunub ki, proqramda iştirak edən ali məktəblər sırasında Sumqayıt Dövlət Universiteti də yer alıb. Beş ay davam edən təlimlər çərçivəsində tələbələr veb-proqramlaşdırma, data və süni intellekt, DevOps və kibertəhlükəsizlik istiqamətlərində bilik və bacarıqlar əldə ediblər.

Bu gün, 14:00 8