Sumqayıt Dövlət Universitetinin magistr tələbəsi Fidan Kərimli müəllimlərin işə qəbulu (MİQ) imtahanında yüksək nəticə göstərərək 85 bal toplayıb.

Sumqayit.tv xəbər verir ki, o, AzEdu.az-a açıqlamasında bildirib ki, ötən il MİQ imtahanında 68,5 bal toplasa da, bu il nəticəsini 85 bala yüksəltməyə nail olub.

Fidan Kərimli Bakı Dövlət Universitetinin Kompüter elmləri ixtisası üzrə məzunudur. Hazırda isə Sumqayıt Dövlət Universitetində İdarəetmə və informatika sistemləri ixtisası üzrə magistratura təhsili alır.

Onun sözlərinə görə, imtahan sualları ümumilikdə rahat olub. İxtisas fənni üzrə cəmi üç, kurikulum hissəsində isə bir-iki diqqətsizlik səbəbindən səhvə yol verib.

Gənc namizəd gələcəkdə informatika müəllimi kimi fəaliyyət göstərmək istədiyini bildirib. O, vakansiya seçimində əsas üstünlüyü Bakı və Sumqayıt ətrafındakı məktəblərə verəcəyini qeyd edib.

15-07-2026, 12:32 60