Sumqayıtda 10 gündür yığışdırılmayan zibilliklə bağlı sakinlərdən müraciət
Sumqayit.TV-yə Zeynəlabdin Tağıyev qəsəbəsinə gedən yolun Səməd Vurğun 2 ünvanında yaşayan sakinlər tərəfindən müraciət daxil olub.
Sakinlərin sözlərinə görə, ərazidə toplanan məişət tullantıları 10 gündən artıqdır ki, ərazidən götürülmür.
Onlar bildirirlər ki, xüsusilə yay aylarında havaların isti keçməsi səbəbindən yığılıb qalan tullantılar ərazidə antisanitar vəziyyət yaradır və sakinlər üçün narahatlıq doğurur.
Müraciətdə qeyd olunur ki, ərazinin təmizlənməsi və tullantıların vaxtında ərazidən daşınması ilə bağlı aidiyyəti qurumun müdaxiləsinə ehtiyac var.
Sakinlər Sumqayıt Təmizlik Departamentindən ərazidə yaranmış problemin aradan qaldırılmasını və tullantıların götürülməsini xahiş edirlər.
Sumqayit.TV məsələ ilə bağlı aidiyyəti qurumun mövqeyini də dərc etməyə hazırdır.
Bu gün, 10:09
8
