Slovakiya Prezidenti rəsmi səfəri çərçivəsində Azərbaycan Prezidenti İlham Əliyevlə bağlı sosial şəbəkə hesabında diqqətçəkən paylaşım edib.
Sumqayit.tv xəbər verir ki, Slovakiya lideri "Instagram" səhifəsində Prezident İlham Əliyevlə birgə avtomobildə çəkilmiş görüntüləri paylaşaraq səfər zamanı yaşadığı maraqlı məqama toxunub.
O bildirib ki, rəsmi səfərlər zamanı ev sahibi dövlət başçısının avtomobili şəxsən idarə etməsi nadir hallarda rast gəlinən haldır.
Slovakiya Prezidenti paylaşımında bunları yazıb:
"Proqramın növbəti hissəsi üçün Prezident Əliyevlə birlikdə bir qədər qeyri-adi şəkildə yola düşürük. Rəsmi səfərlər zamanı ev sahibi prezidentin avtomobili şəxsən idarə etməsi adətən rast gəlinən hal deyil. Buna görə də bu dostluq jestini xüsusilə yüksək qiymətləndirirəm."
Paylaşım qısa müddətdə sosial şəbəkə istifadəçilərinin diqqətini cəlb edib və iki ölkə arasında dostluq münasibətlərinin göstəricisi kimi dəyərləndirilib.
15-07-2026, 18:26
50
