Sumqayıtda yerləşən "Levent 2" yaşayış kompleksinin sakinləri binalarının aşağı hissəsində mərasim evinin fəaliyyətə başlamasına etiraz edirlər.

Sumqayit.tv xəbər verir ki, sakinlər mərasim evinin fəaliyyətinin yaşayış kompleksində səs-küy yaradacağını, uşaqların psixologiyasına mənfi təsir göstərəcəyini və ərazidə yaşayan insanların rahatlığını pozacağını bildiriblər.

Sakinlərdən birinin sözlərinə görə, gün ərzində eşidiləcək yas mərasimləri və ağlaşma səsləri onların normal istirahətinə mane olacaq. Onlar həmçinin yaşayış kompleksinin yaxınlığında stadion və bulvarın yerləşdiyini, əraziyə çoxlu turistin gəldiyini də qeyd ediblər.

Mərasim evinin sahibi Namiq Dövlətov isə iddialarla razılaşmayıb. O bildirib ki, obyekt xüsusi səs izolyasiyası ilə təchiz olunub və burada yüksək səs-küy olmayacaq.

"Mən özüm də mərasim zamanı ağlamağa icazə vermirəm. Heç bir narazılıq yaranmayacaq, uşaqların psixologiyasına da mənfi təsir göstərməyəcək", – deyə obyekt sahibi bildirib.

Qeyd edək ki, məsələ sakinlər arasında narazılığa səbəb olub və geniş müzakirələrə yol açıb.

Ətraflı Baku.tv-nin sujetində

Bu gün, 12:00 8