2026-cı ilin sentyabr ayından etibarən "Rəqəmsal məktəb" platformasının əhatə dairəsi genişləndiriləcək və regionlarda da tətbiqinə başlanacaq.
Sumqayit.tv xəbər verir ki, bunu Elm və Təhsil Nazirliyinin Təhsil Sisteminin İnformasiyalaşdırması İdarəsinin Baş İnformasiya direktoru Vüsal Xanlarov İqtisadi İslahatların Təhlili və Kommunikasiya Mərkəzində keçirilən dəyirmi masada bildirib.
Onun sözlərinə görə, hazırda Bakı məktəblərində istifadə olunan platforma genişləndirildikdən sonra təxminən 2 milyon nəfər üçün əlçatan olacaq. Platformada toplanan məlumatlar vahid bilik bazasında birləşdirilir və süni intellekt əsaslı həllər tətbiq edilir.
Vüsal Xanlarov qeyd edib ki, süni intellekt əsaslı köməkçi alətlər artıq 45 min müəllimin istifadəsinə verilib. Hazırda müəllimlərin təxminən 20 faizi bu alətlərdən yararlanır. İstifadə səviyyəsini artırmaq məqsədilə qarşıdakı aylarda müəllimlər üçün süni intellekt mövzusunda xüsusi təlimlər təşkil olunacaq.
15-07-2026, 13:07
61
