Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN xidmət") sədri Ülvi Mehdiyev bildirib ki, "ASAN müraciət" platforması artıq Sumqayıt şəhərində də vətəndaşların istifadəsinə verilib.

Sumqayit.tv xəbər verir ki,Baku TV və "Teleqraf" İnformasiya Agentliyinə müsahibəsində Ülvi Mehdiyev qeyd edib ki, platforma vasitəsilə sakinlər şəhərdə rastlaşdıqları infrastruktur problemlərini foto və ya video ilə sistemə göndərə bilirlər. Müraciətlər aidiyyəti qurumlara yönləndirilir, vətəndaş isə onların icra vəziyyətini real vaxt rejimində izləyə bilir.

Agentlik sədri xatırladıb ki, layihəyə ilk olaraq Bakı və Sumqayıtda başlanılıb, hazırda isə sistem ölkənin bütün şəhər və rayonlarını əhatə edir.

Ülvi Mehdiyev həmçinin vurğulayıb ki, "ASAN xidmət" süni intellekt əsaslı həllərin tətbiqini genişləndirir. Onun sözlərinə görə, bu il çağrı mərkəzinin tamamilə süni intellekt əsasında fəaliyyət göstərməsi planlaşdırılır ki, bu da vətəndaşların müraciətlərinin daha operativ cavablandırılmasına imkan verəcək.

Ətraflı:

16-07-2026, 13:12 45