Sumqayıt–Saray-Ceyranbatan istiqamətində hərəkət edən bəzi marşrut avtobusları ilə bağlı sakinlərdən növbəti şikayət daxil olub.
Sumqayit.tv-yə müraciət edən vətəndaşların sözlərinə görə, xüsusilə 9 və 522 nömrəli marşrut avtobuslarında kondisionerlər əksər hallarda işləmir.
Şikayətçilər bildirirlər ki, problem yay mövsümünün başlanğıcından davam edir. Onların sözlərinə görə, isti hava şəraitində kondisionersiz avtobuslarda hərəkət etmək sərnişinlər üçün ciddi narahatlıq yaradır və bəzi hallarda səhhətlərinə mənfi təsir göstərir.
Vətəndaşlar qeyd edirlər ki, xətt üzrə cəmi bir-iki yeni avtobus fəaliyyət göstərir və onlarda da kondisionerlər hər zaman işləmir.
Sakinlər aidiyyəti qurumlardan marşrut avtobuslarında kondisionerlərin işlək vəziyyətə gətirilməsini və sərnişinlərə göstərilən xidmətin keyfiyyətinin artırılmasını xahiş edirlər.
Qeyd edək ki, Sumqayit.tv məsələ ilə bağlı aidiyyəti qurumun mövqeyini öyrənməyə və cavabını dərc etməyə hazırdır.
Bu gün, 19:14
10
