Lisey və gimnaziyalara qəbul prosesi ilə bağlı müraciət edən şagirdlər üçün seçim müddəti uzadılıb.
Sumqayit.tv xəbər verir ki, Təhsil İnstitutunun yaydığı məlumata əsasən, namizədlər lisey və gimnaziya seçimlərini 15 iyul saat 12:00-dək edə biləcəklər.
Məlumata görə, seçim mərhələsi başa çatdıqdan sonra namizədlərin topladığı ballara əsasən yerləşdirmə aparılacaq və qəbul nəticələri açıqlanacaq.
Qeyd olunub ki, avqust ayının ilk yarısında yerdəyişmə sistemi aktivləşdirildikdən sonra qəbul olunan şagirdlər üçün avtomatik sorğular yaradılacaq və sənəd qəbulu mərhələsinə start veriləcək.
Şagirdlər seçimlərini şəxsi kabinetlərindəki "İmtahanlar" bölməsinin "Lisey seçimi" hissəsi vasitəsilə həyata keçirə bilərlər. Bu mərhələdə maksimum 3 lisey və ya gimnaziya seçmək mümkündür. Lakin üç seçim etmək məcburi deyil.
Təhsil İnstitutu valideyn və şagirdlərə yalnız təhsil almağı planlaşdırdıqları lisey və ya gimnaziyanı seçməyi tövsiyə edir.
Bu gün, 12:57
7
