İyulun 12-də Sumqayıt və ölkə ərazisində gözlənilən hava şəraiti açıqlanıb.

Sumqayit.tv xəbər verir ki, Milli Hidrometeorologiya Xidmətinin məlumatına əsasən, sabah Bakıda və Abşeron yarımadasında hava əsasən yağmursuz keçəcək. Şimal-qərb küləyi gündüz saatlarında arabir güclənəcək.

Azərbaycanın əksər rayonlarında da havanın əsasən yağmursuz olacağı gözlənilir. Lakin bəzi dağlıq və dağətəyi rayonlarda arabir yağış yağacağı, şimşək çaxacağı və dolu düşəcəyi ehtimal edilir. Gecə və səhər bəzi dağlıq ərazilərdə duman müşahidə olunacaq.

Havanın temperaturu gecə saatlarında 20-25°, gündüz isə 33-38° isti olacaq. Dağlıq ərazilərdə gecə 13-18°, gündüz 23-28°, bəzi yerlərdə isə 32° isti proqnozlaşdırılır.

Sumqayıtda isə havanın əsasən yağmursuz keçəcəyi, mülayim şimal-qərb küləyinin əsəcəyi gözlənilir. Temperaturun gecə 21-24°, gündüz 32-36° isti olacağı proqnozlaşdırılır. Atmosfer təzyiqi 759 mm civə sütunu, nisbi rütubət isə gecə 70-80%, gündüz 50-60% təşkil edəcək.

11-07-2026, 13:00 46