İşğaldan azad edilmiş Xocavənd rayonunun Düdükçü kəndi ərazisində Sumqayıt şəhər sakini minaya düşüb.

Sumqayit.tv xəbər verir ki, bu barədə Daxili İşlər Nazirliyi, Baş Prokurorluq və Azərbaycan Respublikasının Minatəmizləmə Agentliyinin (ANAMA) mətbuat xidmətləri məlumat yayıb.

Məlumata görə, 1983-cü il təvəllüdlü Ramal Şirinov minatəmizləmə fəaliyyəti başa çatmayan ərazidə traktor idarə edərkən mina partlayışı baş verib.

Hadisə nəticəsində Ramal Şirinov müxtəlif bədən xəsarətləri alıb.

Faktla bağlı Xocavənd Rayon Prokurorluğunda araşdırma aparılır.

Aidiyyəti qurumlar bir daha vətəndaşlara mina təhlükəsi olan ərazilərə daxil olmamağı, təhlükəsizlik qaydalarına riayət etməyi, mina təhlükəsi barədə xəbərdarlıq nişanlarına diqqət yetirməyi və şübhəli əşyalara toxunmamağı tövsiyə edib.

Bu gün, 19:05 14