Sumqayıt şəhərində bıçaqlanma hadisəsi baş verib.

Sumqayit.tv Teleqraf.az-a istinadən xəbər verir ki, hadisə şəhərin 9-cu mikrorayon ərazisində qeydə alınıb.

İlkin məlumata görə, 1977-ci il təvəllüdlü Şövqi Quliyev ilə 1968-ci il təvəllüdlü Akif Cabbarov arasında yaranan mübahisə zamanı sonuncu bıçaq xəsarəti alıb.

Yaralıya hadisə yerində təcili tibbi yardım göstərilib, daha sonra müalicəsinin davam etdirilməsi üçün tibb müəssisəsinə yerləşdirilib.

Hadisə ilə bağlı polisə iyulun 12-də məlumat daxil olub. Əməli törətməkdə şübhəli bilinən Şövqi Quliyev polis əməkdaşları tərəfindən saxlanılıb.

Faktla bağlı hüquq-mühafizə orqanları tərəfindən araşdırma aparılır.

13-07-2026, 14:27 53