Türkiyənin paytaxtı Ankara şəhərinin Keçiören Bələdiyyəsinin sədri Mesut Özarslanın rəhbərlik etdiyi nümayəndə heyəti Sumqayıta rəsmi səfər edib.
Sumqayit.tv xəbər verir ki, nümayəndə heyətinin tərkibində Azərbaycan Şəhər Bələdiyyələrinin Milli Assosiasiyasının sədri, Nərimanov Bələdiyyəsinin sədri Təmraz Tağıyev və digər rəsmi şəxslər də yer alıblar.
Sumqayıt Bələdiyyəsində keçirilən görüş zamanı qardaşlaşmış bələdiyyələr arasında əməkdaşlığın genişləndirilməsi, qarşılıqlı təcrübə mübadiləsi və birgə layihələrin həyata keçirilməsi məsələləri müzakirə olunub.
Bildirilib ki, Keçiören Bələdiyyəsinin Azərbaycana səfər proqramına Sumqayıtla yanaşı, Binəqədi, Nizami, Şamaxı, Yevlax və Tovuz bələdiyyələrinə də ziyarətlər daxildir.
Görüş zamanı Keçiören Bələdiyyəsinin sədri Mesut Özarslan Sumqayıt Bələdiyyəsinin sədri Adil Xudadatovu Ankaraya rəsmi səfərə dəvət edib.
Səfərin sonunda tərəflər xatirə hədiyyələri təqdim edib, xatirə şəkli çəkdiriblər.
10-07-2026, 12:39
60
