Futbol üzrə 2026-cı il dünya çempionatının 1/4 final mərhələsində İspaniya millisi Belçika üzərində 2:1 hesablı qələbə qazanaraq yarımfinala vəsiqə əldə edib.
Sumqayit.tv xəbər verir ki, ABŞ-nin İnqlvud şəhərində keçirilən qarşılaşmada hesabı 30-cu dəqiqədə Fabian Ruis açıb. Belçika millisinin futbolçusu Şarl De Ketelare 41-ci dəqiqədə tarazlığı bərpa etsə də, oyunun taleyini 88-ci dəqiqədə Mikel Merinonun vurduğu qol həll edib.
Beləliklə, İspaniya millisi dünya çempionatının yarımfinal mərhələsinə yüksəlib.
Qeyd edək ki, İspaniya yarımfinalda Fransa millisi ilə üz-üzə gələcək. Bu qarşılaşma finala vəsiqə uğrunda turnirin ən maraqlı oyunlarından biri hesab olunur.
Bu gün, 01:06
8
