Sumqayıtda təmir işləri apardığı evdə halı qəfil pisləşən usta vəfat edib.

Sumqayit.tv xəbər verir ki, hadisə şəhərin 10-cu mikrorayon ərazisində baş verib.

Məlumata görə, 42 yaşlı Ceyhun Abdulxanov işlədiyi evdə olarkən qəfil özünü pis hiss edib. Ev sahibləri dərhal ona kömək göstərməyə çalışsalar da, onun həyatını xilas etmək mümkün olmayıb.

Hadisə barədə məlumat verildikdən sonra əraziyə hüquq-mühafizə orqanlarının əməkdaşları cəlb olunub. Meyitə baxış keçirilib və müvafiq araşdırmalara başlanılıb.

Faktla bağlı araşdırma aparılır. Ölümün dəqiq səbəbi ekspertiza və istintaqın nəticəsindən sonra məlum olacaq.

Mənbə: Şəmistan Fikrətli

Bu gün, 11:28 8