Novxanı sahillərində qanunsuz balıq ovunun aparıldığı iddia edilir.
Sumqayit.tv xəbər verir ki, bu barədə vətəndaşlardan biri məlumat yayıb. Onun sözlərinə görə, səhər saatlarında Novxanı sahillərində üzən qayıqdan dənizə sintetik tor atılır və bu hal artıq bir neçə dəfə müşahidə olunub.
Bənzər vəziyyətin Hövsan qəsəbəsində də qeydə alındığı bildirilir. İddialara görə, səhərin erkən saatlarında dənizə tor atılmasına baxmayaraq, mayın 1-dən kürüləmə dövrü ilə əlaqədar balıq ovu qadağandır.
Məsələ ilə bağlı danışan Balıqçılar İttifaqının sədri Əfqan Əliyev bildirib ki, sənaye balıqçılığına tətbiq olunan moratorium sentyabrın 1-dək qüvvədə olsa da, qanunsuz balıq ovu və brakonyerlik hallarına hələ də rast gəlinir.
Məsələ ilə bağlı aidiyyəti qurumların mövqeyi açıqlanacağı təqdirdə xəbər yenilənəcək.
Ətraflı Xəzər Xəbərdə
Bu gün, 12:14
7
