Sumqayıt Bulvarında yaranmış çuxurlar və sıradan çıxmış tamet daşları ilə bağlı Sumqayıt.tv tərəfindən yayımlanan xəbərə operativ reaksiya verilib.
Sumqayıt Şəhər İcra Hakimiyyətinin Mətbuat Xidmətinin rəhbəri Eyvaz Qocayev saytımıza açıqlamasında bildirib ki, qaldırılan məsələ nəzarətə götürülüb və ərazidə təmir-bərpa işləri həyata keçirilir.
"Qeyd olunan ərazidə təmir işləri aparılır. Sınmış tametlər sökülərək yeniləri ilə əvəz olunur", – deyə Eyvaz Qocayev bildirib.
Qeyd edək ki, Sumqayıt.tv-yə müraciət edən sakinlər bulvarın bir hissəsində yaranan çuxurların və sıradan çıxmış tametlərin, xüsusilə axşam saatlarında piyadalar, velosiped və skuterlə hərəkət edənlər üçün təhlükə yaratdığını bildirmişdilər.
16-07-2026, 22:17
52
